Kont Taf Liema Kienet L-Ogħla Binja F’Malta Ta’ Dari? Le Mhux Il-Preluna…
Illum hawn bosta torrijiet, uħud diġà preżenti filwaqt li oħrajn telgħin, speċjalment fl-akkwata ta’ San Ġiljan, Pacevillu u l-Gżira.
Iżda donnu lejn dawk in-naħat kellu jkun iddestinat għalhekk għaliex propju l-ogħla binja (mingħajr ma nsemmu knejjes) li kien hawn f’pajjiżna ta’ dari, kienet il-binja tal-Balluta.
Din inbniet fl-1928 mill-Markż Naxxari John Scicluna fuq stil art nouveau biswit il-bajja tal-Balluta f’San Ġiljan. Id-disinn kien ta’ Giuseppe Psaila. Hija binja bi stil fin u waħda mill-ftit li baqa’ ta’ dan l-istil f’Malta.
Ritratt: AP Valletta/ the Bar
Minn dakinhar ‘il quddiem, din il-binja dejjem baqgħet hi bħala l-itwal binja fil-gżejjer tagħna sakemm imbagħad inbniet il-Preluna Hotel fl-1969. Kienet inbniet meta t-turiżmu f’Malta kien għadu fil-bidu tiegħu u kienet tattira ħafna turisti Ingliżi.
Kos hux kemm jinbidel iż-żmien…
Ritratt Prinċipali: Preluna Hotel/ Trip Advisor
