“Għaddiet Sena Eżatt Mill-Attakk Tal-Qalb Qawwi” – Twanny Scerri

Il-preżentatur fabbli u maħbub ta’ Radju Calypso, Twanny Scerri kiteb fuq facebook dwar esperjenza daqsxejn qarsa li għadda minnha bħal-lum sena.

“Bħal-lum sena eżatt kont sejjer ħdejn il-Bambin! Però l-Ħallieq qalli li għalissa mhux se jeħodni! Għaddiet sena eżatt mill-attakk tal qalb qawwi!”, kiteb filwaqt li tenna li kiteb dan biex jagħti kuraġġ lill-oħrajn.

Għalkemm sena wara, Twanny reġa’ rringrazzja lit-tim mediku kollu li ħa ħsiebu fosthom: il- Polyclinic ta’ Raħal Ġdid, Cardiac Intensive Care Unit u CCU tal-isptar Mater Dei u finalment lill-Mulej!