Imut il-kittieb u akkademiku Oliver Friggieri

Tħabbret il-mewt tal-kittieb u akkademiku tal-Malti Oliver Friggieri, li kellu 73 sena.

Friggieri twieled il-Furjana fl-1947, u studja l-Università ta’ Malta, fejn kiseb Baċellerat tal-Arti fil-Malti, Taljan u l-Filosofija fl-1968 u Masters fil-1975. Kompla l-istudji tiegħu mal-Università Cattolica del Sacro Cuore f’Milan, fejn kiseb Dottorat fil-Letteratura Maltija u fil-Kritika Letterarja.

Beda bħala għalliem tal-Malti fl-iskejjel sekondarji statali fl-1968, u beda jagħti lectures fl-Università ta’ Malta fl-1968, fejn laħaq professur fl-1990.