Peplow Jegħleb Lil Bezzina Fit-Tieni Ranking Turnament
Fit-tmiem il-ġimgħa, fl-akkademja tal-snuker fil-Ħamrun, intlagħbet il-finali tat-tieni ranking turnament tal-istaġun organizzat mill-Malta Billiards and Snooker Association.
Din il-finali, li kienet fuq l-aħjar minn disa frames, żvolġiet f’waħda interessanti u baqgħet kumbattuta sal-aħħar. Il-finali intrebħet minn Chris Peplow li għeleb lil Duncan Bezzina bil-punteġġ ta’ 5 frames kontra 4.
Bezzina tilef l-ewwel frame 24 għal 54 iżda r-rkupra fit-tieni u t-tielet b’rebħiet ta’ 81 – 0 u 65(51)-9. Peplow rebaħ ir-raba, l-ħames u s-sitt frames 30 għal 77, 26 għal 87 u 28 għal 63. Bezzina r-rkupraw fis-seba u t-tmien frames fejn rebaħ 74 – 13 u 57 għal 47. Kien Chris Peplow li rebaħ d-disa u l-aħħar frame 31 għal 77.
Ir-referee kien Maurice Calleja.
Din il-ġimgħa jibdew il-kampjonati nazzjonali tal-Premier, l-ewwel, it-tieni u t-tielet diviżjoni kif ukoll l-kampjonat Masters.
Il-logħob kollu jintlagħab fl-akkademja tal-snuker fil-Ħamrun.
Ritratt: MBSA
