Tnejn L-Isptar Wara Ħabta f’Tas-Sliema
Żewġ xufiera, ittieħdu l-Isptar Mater Dei wara li kmieni dalgħodu weġġgħu f’inċident tat-traffiku f’Tas-Sliema.
L-inċident seħħ għall-ħabta tas-1.30 a.m. fi Triq it-Torri meta seħħet ħabta bejn karozza tal-għamla Renault Zoe, misjuqa minn Taljan ta’ 30 sena, u li joqgħod Ħaż-Żebbuġ u karozza tal-għamla Toyota C-HR, misjuqa minn raġel Eritrean ta’ 23 sena, li joqgħod Bormla.
Aktar tard it-Taljan ġie ċċertifikat li sofra minn ġrieħi gravi filwaqt li x-xufier l-ieħor sofra minn ġrieħi ħfief.
L-investigazzjonijiet tal-Pulizija għadhom għaddejjin.
