Bil-Filmat: Young Love – Kanzunetta Ġdida Mingħand Malcolm Pisani
“Young Love” hija kanzunetta ferriħija u ġovanili b’ritmu sajfi u kurrenti.
Il-produzzjoni mużikali saret kollha fl-Italja mid DJ u Producer – Ticli & Gas – waqt li l-Italja kienet f’lockdown totali – infatti din il-kanzunetta ħarġet ftit iktar tard milli kien pjanat.
‘Dan it-tim mużikali mhux l-ewwel darba li qed naħdem magħhom, infatti għandi singles oħrajn li rnexxielhom jiksbu l-quċċata ta’ charts lokali u saħansitra l-kanzunetta “Summer Love” ġiet irreġistrata ma’ record label indipendenti fi Spanja”, jgħidilna Malcolm.
‘Young Love bħalissa qed nistennew bil-ħerqa hux ħa jirnexxilha ukoll tkun irreiġstrata mal-istess record label u fl- istess ħin nista’ ngħid li lokalment il-vidjo mużikali fi żmien ta’ xahar rawh ‘il fuq min 95 elf ruħ’, kompla Malcolm. ‘Kuntent ħafna ukoll li ġa bdiet tindaqq f’radijiet barra minn Malta u anke jintwera l-vidjo mużikali – nametti li l feedback minn barra min Malta fuq Young Love kien wieħed enormi li jien personali verament inħossni sodisfatt.’
Dan il-vidjo mużikali ġie maħdum mit-team ta’ Clive Pace Films – l-istess team li Malcolm ħadem vidjos mużikali passati – b’direzzjoni ta’ Emanuel Pace – filming u editing ta’ Clive Pace fuq produzzjoni ta’ Malcolm stess flimkien ma’ Rita Pace u Kim Cutajar.
Ħadu sehem żeffiena minn A-line Dance Academy taħt id-direzzjoni ta’ Alana Bondin u l-mudella uffiċjali Kylie Coleiro.
