Erbgħa L-Isptar Wara Ħabta Frontali F’Ħad-Dingli

Erba’ persuni ddaħħlu l-isptar wara li aktar kmieni llum kienu involuti f’ħabta fi Triq ir-Rabat, Ħad-Dingli.

Mill-investigazzjonijiet preliminari rriżulta li l-ħabta seħħet bejn Volkswagen Polo, misjuqa minn mara ta’ 48 sena residenti r-Rabat, u Ford Transit, misjuq minn raġel ta’ 33 sena residenti l-Gżira.

Fil-Volkswagen Polo, kien hemm ukoll mara ta’ 25 sena residenti Ħad-Dingli u tifla ta’ sena.

Fuq il-post intalbu jassistu tim mediku u membri tal-Protezzjoni Ċivili.

Aktar tard, il-mara ta’ 48 sena ġiet iċċertifikata li sofriet ġrieħi gravi filwaqt li t-tliet persuni loħra sofrew ġrieħi ħfief.

L-investigazzjonijiet tal-Pulizija tad-Distrett għadhom għaddej.