FILMAT: X’Permess Speċjali Se Jagħti Lydon lill-Father Christmas?

Ir-rebbieħa tal-ewwel edizzjoni tal-Malta’s Got Talent ingħaqdu fl-inizjattiva Rigal B’Imħabba li għandha l-għan li kull tifel u tifla f’pajjiżna jkollhom x’rigal x’jiftħu f’dan il-Milied.

F’filmat li ttella’ fuq il-paġna ta’ Lydia Abela, il-moħħ wara din l-inizjattiva flimkien ma’ bintha Giorgia Mae, Joemike u Lydon bl-istil inimitabbli tagħhom qabblu erba’ vrus li bihom ħeġġew lill-pubbliku biex iħalli rigal lil dawn it-tfal taħt is-siġra tal-Milied fi Pjazza Kastilja.