Id-Dwana Kkonfiskat €2,750,000 Fi Flus Kontanti F’Ħames Snin

F’perjodu ta’ ħames snin, id-Dwana ta’ Malta kkonfiskat xejn inqas minn €2.75 miljun fi flus kontanti li kienu qegħdin jiġu ttrasportati b’mod illegali.

Fi stqarrija, id-Dwana qalet li bejn l-2015 u l-2020, id-Dwana ta’ Malta waqqfet 128 każ ta’ flus li kienu qegħdin jiġu ttrasportati b’mod illegali, bl-ammont totali ta’ flus interċettati jkun ta’ €2,750,034.

Statistika ppubblikata turi li l-akbar ammont ta’ flus ikkonfiskati kien is-sena li gaħddiet fejn twaqqfu 66 każ bl-ammont totali jkun ta’ aktar minn miljun u ħames mitt elf ewro.