Il-PM Jgħid Li L-Pulizija Għandha Tibqa’ Tinvestiga L-Qtil Ta’ Karin Grech Biex Issir Ġustizzja
Tlieta u erbgħin sena wara li Karin Grech sfat maqtula minn ittra bomba, il-Prim Ministru u Mexxej Laburista, Robert Abela taha ġieħ fuq il-mafkar tagħha f’San Ġwann.
Il-Prim Ministru qal li qatt ma fehem kif kien hemm min wasal biex jagħmel dan l-att u l-piż li refgħet il-familja tagħha ftit jistgħu jifhmuh għax tul is-snin pajjiżna falla milli ssir ġustizzja.
“Nemmen li l-pulizija għandha tibqa’ tinvestiga ħa ssir ġustizzja fuq min wettaq dan ir-reat. Kull ċittadin għandu parti x’jilgħab biex dak li ġara ma jerġax jiġri. Ma nħallu ‘l ħadd idaħħal iż-żerriegħa tal-mibegħda”, qal il-Prim Ministru.
