Kappella Tas-Seklu 17 Fil-Mosta Bl-Akbar Siġra Tal-Milied Fiż-Żona

Għada se tkun qed issir l-inawgurazzjoni ta’ siġra tal-Milied, presepju u stilla tal-Milied fuq il-kappella tas-seklu 17 fil-Mosta, dik ta’ Santa Margherita.

Dan il-proġett qed isir grazzi għall-voluntiera tal-Kumitat Soċjali ta’ Santa Margherita u xi kunsilliera mill-Kunsill Lokali tal-Mosta.

“Ġbarna somma sabiħa biex bdejna bl-ewwel pass importanti tagħna, dik li narmaw l-akbar siġra tal-Milied taż-żona, flimkien ma’ presepju u stilla illi rranġajna aħna ukoll sabiex irrigalajnihom lin-nies tal-Mosta”, qal kelliem tal-Kumitat Soċjali ta’ Santa Margherita.