Rekord: 157,000 Jieħdu T-Tilqima Tal-Influwenza
Aktar minn 157,000 ruħ, din is-sena ħadu t-tilqima tal-influwenza.
Dan tħabbar fuq Saħħa, il-paġna ta’ Facebook tal-Ministeru għas-Saħħa. Il-Ministeru fisser dan l-ammont bħala rekord u qal li din hija disponibbli miċ-Ċentri tas-Saħħa.
L-ewwel konsenja tal-vaċċin ta’ 100,000 doża wasslet fil-11 ta’ Ottubru li għadda. Nies b’mard kroniku, persuni li kellhom ’il fuq minn 55 sena u t-tfal taħt il-5 snin ngħataw prijorità biex jieħdu dan il-vaċċin.
