Kampjonat Premier – Rebħiet Għal Balzan u Sliema

Fl-ewwel partit tal-ġimgħa filgħaxija, Balzan ir-ritornaw għar-rebħ meta għelbu lill-Mosta FC 4 – 1. Kienu Mosta li marru l-ewwel fil-vantaġġ meta Christ Ememe fl-24 minuta sab ix-xibka avversarja. Erba minuti qabel tmiem l-ewwel taqsima Balzan ġabu d-draw permezz ta’ Aleksa Andrejic u eżatt qabel l-intervall marru għal ewwel darba fil-vantaġġ permezz ta’ Milan Duric. Andrejic reġa skorja wara disa minuti fit-tieni taqsima biex fil-70 minuta minn penalty Duric ma falliex u ta’ rebħa u tlett punti mitqlu deheb lit-tim immexxi minn Mark Miller.

Fit-tieni partita, anke Sliema Wanderers minkejja ġimgħa turbulenti, ħadu l-ewwel rebħa tas-sena 2021 meta huma għelbu lil Santa Lucia 1 – 0 bil-gowl waħdini jiskurjaħ Alex Satariano erba minuti mit-tmiem.

Ritratt: MFA