L-UE Tapprova L-Vaċċin Ta’ Oxford/AstraZeneca
![L-UE Tapprova L-Vaċċin Ta’ Oxford/AstraZeneca](https://stradarjali.com/wp-content/uploads/2021/01/GettyImages-1230811334-2048x1365-1-850x560.jpg)
L-Aġenzija tal-Mediċini Ewropea, ħabbret li l-vaċċin ta’ Oxford/AstraZeneca kontra l-coronavirus huwa sigur u effikaċi biżżejjed biex jingħata lil adulti ta’ tmintax-il sena ‘l fuq.
Il-Kummissjoni Ewropea mistennija tapprova uffiċjalment dan il-vaċċin fl-Unjoni Ewropea permezz ta’ miżura ta’ emerġenza.
Kumitat ta’ xjentisti Ġermaniżi qalu li ma kienx hemm informazzjoni biżżejjed biex jiġi assigurat li dan il-vaċċin huwa tajjeb għal persuni li għandhom 65 sena jew aktar. Ir-Renju Unit approva dan il-vaċċin fl-aħħar ta’ Diċembru li għadda permezz ta’ miżura ta’ awtorizzazzjoni ta’ emerġenza applikabbli għal persuni minn 18-il sena ‘l fuq.