Qatt Żort Il-Postijiet Storiċi Fil-Kalkara?
Ġiet inawgurata rotta kulturali u storika (Heritage Trail) fil-Kalkara. Raħal żgħir b’wirt storiku li għandu jiġi apprezzat aktar.
Dan il-proġett li għandu l-għan li jippriserva u jippromwovi l-wirt Kalkariż gie inawgurat mis-Segretarju Parlamentari għall-Fondi Ewropej Stefan Zrinzo Azzopardi u s-Segretarju Parlamentari għall-Isport, ir-Rikreazzjoni u l-Għaqdiet Volontarji, Clifton Grima flimkien mal-Assoċjazzjoni Wirt il-Kalkara u l-Kunsill Lokali.
Dan ir-rotta tikkonsisti fi 15-il stand tal-istainless steel imwaħħla f’siti importanti fil-Kalkara, u b’informazzjoni mnaqqxa fuqhom bil-Malti u bl-Ingliż, kif ukoll kodiċi QR li jwassal lill-utent għal ritratti u informazzjoni addizzjonali online. Apparti dan, ġiet iddisinjata u stampata mappa turistika tal-Kalkara mid-disinjatur Alfie Gatt, li hija disponibbli b’xejn fil-ħwienet tal-lokalità u kjosks ta’ informazzjoni għat-turisti li jinsabu madwar Malta u Għawdex.
