Tnejn Arrestati B’rabta Ma’ Sejba Ta’ Droga Kokaina Fiċ-Ċirkewwa

Raġel ta’ 35 sena minn Tas-Sliema u ieħor ta’ 38 sena minn Santa Venera mistennija jitressqu l-qorti u jiġu mixli b’pussess u traffikar ta’ droga kokaina.

Iż-żewġt irġiel ġew arrestati l-Erbgħa filgħaxija mill-Iskwadra tal-Pulizija ta’ Kontra d-Droga qrib it-terminal taċ-Ċirkewwa.

Wara tfittxija fil-vettura tagħhom, instab pakkett b’ammont tad-droga suspettata kokaina.

L-irġiel mistennija jitressqu l-Qorti taħt arrest illum għall-ħabta tal-ħdax u nofs quddiem il-Maġistrat tal-Għassa Donatella Frendo Dimech, akkużati b’pussess aggravat ta’ droga kokaina u ksur tal-kundizzjonijiet tal-ħelsien mill-arrest.

L-investigazzjonijiet tal-pulizija għadhom għaddejjin.