FA Cup – Illum Jibda L-Logħob Mill-Ħames Rawnd
F’Old Trafford illejla jibda l-logħob mill-ħames rawnd tal-FA Cup fejn Manchester United jilqaw f’darhom lill-West Ham United. Ir-red devils għadhom ġejjin minn draw ta’ 3 – 3 fil-Kampjonat Premier kontra Everton u bla dubju illejla ser jkunu qed jagħmlu minn kollox biex javvanzaw għar-rawnd li jmiss. Anke West Ham għadhom ġejjin minn draw ta’ mingħajr gowls kontra Fulham fit-tmiem il-ġimgħa bil-manager tagħhom David Moyes żgur ser jipprova jagħmel minn kollox biex jelimina lill-ex klabb tiegħu mill-kompetizzjoni.
Illejla wkoll fil-18.30 jkollna lil Burnley li jilgħabu kontra Bournemouth. Il-logħob minn dan ir-rawnd jkompli għada b’erba partiti:-
18.30 Swansea City vs Man. City
20.30 Sheffield United vs Bristol City
20.30 Leicester City vs Brighton & Hove Albion
21.15 Everton vs Tottenham Hotspur
Il-Ħamis jkollna żewġ partiti oħra:-
18.30 Wolves vs Southampton
21.00 Barnsley vs Chelsea
Ritratt: Express.co.uk
