“Meta Ma Tħossx Aktar Dik Ir-Rabta Qawwija Mas-Sieħeb Tiegħek…” – Dr Nicholas Briffa

Is-sesswologu u terapista tal-koppji Dr Nicholas Briffa kkummenta dwar l-importanza li koppja taħdem fuq ir-relazzjoni meta tħoss li l-bond ikun qed jonqos.

Huwa qal li hija sitwazzjoni komuni li f’xi punt fil-ħajja persuna tħoss li r-rabta mas-sieħeb jew is-sieħba tkun qed tibda’ tonqos. Huwa spjega kif meta jiġri hekk ikun hemm it-tentazzjoni li l-persuna tiffoka l-enerġija tagħha fuq l-ulied u tibda’ tiddependi fuq it-tfal għall-appoġġ emozzjonali. Huwa saħaq li dan jispiċċa biex jagħmel ħsara akbar lir-relazzjoni u b’hekk appella sabiex meta jiġri hekk wieħed jaħdem fuq ir-relazzjoni għall-benefiċċju tal-koppja u tat-tfal.