Qassis Żejtuni Ta’ Qalb Tajba Wettaq Missjoni Valida Għal Dejjem…
Ftit aktar minn 25 sena ilu, qassis Żejtuni mogħni b’ qalb tajba ta’ daru u dar ħutu u dak kollu li kellu lill persuni b’diżabbilta’. Fi kliemu stess kien għamel qabża fid-dlam imam dak li kellu jkun għall ftit persuni illum kiber u qed jagħmel ħafna ġid ma’bosta persuni b’diżabbilta intelletwali u fiżika.
Nhar it-8 ta’ Settembru, 1995, Dun Anġ Seychell kien laqa’ jgħix miegħu fid-dar li twieled u għadu jgħix fiha l-ewwel ħames persuni bi bżonnijiet speċjali. Kunċett li niżel tajjeb ħafna ma’ familji li kellhjom qraba b’diżabbilta’ u li l-preokkupazzjoni tagħhom kienet min se jkun qed jieħu ħsieb uliedhom meta huma ma jkunux jifilħu aktar jew inkella jkunu mietu.
L-ewwel dar kibret f’ħakka t’għajn għall għaxar persuni u aktar tard infetħu żewġt idjat oħra. Illum Fondazzjoni Nazareth għandha l-massimu tar-residenti li tista tieħu u għaddejja b’ħidma sabiex tilqa fi ħdana aktar persuni li jitolbu l-għajnuna tagħha. Bħalissa wkoll tinsab għaddejja minn rinovazzjoni tad-djar tagħha biex kull persuna li tgħix fid-djar tagħha jkollha ambjent sabiħ u dinjituż skont il-ħtieġa.
Nhar il-Ħadd 28 ta’ Frar Fondazzjoni Nazareth se tkun qed terga’ ittella’ l-maratona televiziva “ Bis-Saħħa ta’ Kulħadd” biex waqt xandira ta’ 12–il siegħa jinġabru biżejjed fondi li jgħinu sabiex mhux biss jintlaħqu l-miri neċċessarji imam fl-istess waqt itaffi wkoll xi ftit mill-ispejjeż bla preċedent li laqqgħetha magħha l-pandemija Covid-19.
Int ser ikollok iċ-ċans li terġa’ tgħin biex aktar persuni jkunu jistgħu jgħixu ħajja ħienja u dinjituża fil-kommuità.
Illum, Dun Anġ Seychell għandu 87 sena u huwa ġest mill-isbaħ li wieħed jara il-ħolma ta’ dan is-saċerdot tant sempliċi mhux biss tikber bħall warda imma wkoll twarrad u tagħti żarsien , kura u dinjita lill persuni vulnerabbli.
Inħeġġu sabiex “ BIS-SAĦĦA TA’ KULĦADD” inkunu qed ngħinu lill dawn ħutna vulnerabbli.
Fondazzjoni Nazareth hija mmexxija minn Bord ta’ Diretturi fuq bażi volontarja taħt il-Presidenza tal-E.T. Marie-Louise Coleiro Preca.
