“Tħalluhomx Jgħerqu” – Jintilef Il-Kuntatt Ma’ 90 Immigrant F’Periklu Qrib Malta
Matul il-lejl li għadda l-NGO Alarm Phone ħabbret li kien ilha ma tagħmel kuntatt mad-dgħajsa b’90 persuna abbord għal iżjed minn seba’ sigħat waqt li appellat l-awtoritajiet biex ma’ jħalluhomx jgħerqu.
Ilbieraħ Alarm Phone ħabbret li hemm żewġ dgħajjes b’total ta’ 173 immigrant li jinsabu fil-periklu fiż-żona ta’ tiftix u salvataġġ ta’ Malta. Alarm Phone qalet li ż-żewġ dgħajjes għandhom 90 u 83 immigrant abbord, rispettivament.
Id-dgħajsa b’90 persuna ilha fil-baħar tlett ijiem wara li dawn il-persuni ħarbu mil-Libja. Id-dgħajsa l-oħra ta’ 83 immigrant ħarbet mil-Libja lbieraħ.
Alarm Phone qalet li l-awtoritajiet ġew infurmati u appellat lill-Forzi Armati ta’ Malta biex isalvaw lil dawn il-persuni mill-aktar fis.
🆘SOS! ~90 people need help after 3 days at sea!
We were just alerted to another boat in distress escaping Libya. The boat carries approximately 90 people in Malta SAR. They say they are at sea already for 3 days! Authorities are informed: do not delay rescue! pic.twitter.com/78DeMtrAMz
— Alarm Phone (@alarm_phone) February 19, 2021
