Mormija F’Wied Flok Miġbura Kif Suppost

X’hemm komuni bejn ‘microwave’, ‘television’ u ‘geyser’?

Dawn it-tliet oġġetti nġabru mill-ħaddiema ta’ Parks Malta waqt tindifa f’Wied Blandun.

Fuq Facebook, il-Ministru Miriam Dalli rrimarkat li l-impenn jibqa’ dak li l-ispazji miftuħa u l-widien jinżammu fl-aħjar stat possibli biex kulħadd ikun jista’ jgawdi minnhom.

Ta’ min ifakkar li l-Kunsilli Lokali jipprovdu servizz ta’ ġbir ta’ skart goff minn wara r-residenzi Maltin. Servizz li huwa offrut b’xejn.