Preżentata White Paper Biex Ikun Hemm Sistema Iktar Ġusta Fl-Użu Tal-Kannabis
Il-Gvern ippublika l-White Paper għar-riforma tal-kannabis.
Il-Membru Parlamentari Laburista Rosianne Cutajar spjegat kif l-iskop huwa li tinħoloq sistema iktar ġusta għal min juża l-kannabis b’mod responsabbli.
Filwaqt li rrimarkat li l-proposti huma xprunati mis-sens ta’ ġustizzja, progress u responsabbiltà, Cutajar irringrazzjat lill-Prim Ministru Robert Abela tal-appoġġ li wera f’din ir-rifroma.
Stiednet biex waqt il-perjodu ta’ konsultazzjoni, li huwa twil sitt ġimgħat, il-poplu inġenerali jibgħat il-ħsibijiet dwar dak li qed ikun propost.
We have just launched the White Paper on the responsible use of cannabis. Proud to see an entire year’s work come to fruition. Over to you — we now look forward to your input as we move to create a fair and effective legal framework. #CannabisReform@MaltaGov @RobertAbela_MT
— Rosianne Cutajar (@RosianneCutajar) March 30, 2021
Fost il-proposti hemm li meta adult jinstab fil-pussess ta’ seba’ grammi kannabis għall-użu esklussiv tiegħu ma jkun qed iwettaq l-ebda reat, minorenni (taħt it-tmintax-il sena) li jinsabu fil-pussess jew jikkonsmaw il-kannabis għall-użu personali, ikunu soġġetti għal proċedura amministrattiva filwaqt li kull abitazzjoni residenzjali tista’ tkabbar sa massimu ta’ erba’ pjanti għall-istess abitanti u mhux għall-bejgħ.
