Bil-Filmat: Enzo Gusman Lura D-Dar Wara Xhur Rikoverat L-isptar
Il-kantant leġġendarju Malti Enzo Gusman reġa’ ngħaqad mal-familja tiegħu wara li kien ilu xejn inqas minn 266 jum rikoverat fi sptar fil-Kanada.
Filmat li ttella’ fuq Facebook minn martu Carmen juri l-merħba sabiħa li ngħata Enzo mal-wasla tiegħu d-dar.
Carmen qalet li Enzo talabha ttella’ dan il-filmat biex jirringrazzja lill-ħbieb u lill-ammiraturi tiegħu kollha tiegħu għall-appoġġ u t-talb kollu tagħhom tul iż-żmien li dam rekoverat l-isptar.
Enzo Gusman li għandu 73 sena kien iddaħħal l-isptar f’Awwissu tas-sena li għaddiet wara li kien waqa’ u ġarrab ġrieħi serji. Fi kliem martu dan l-inċident bidel ħajjet żewġha minn lejl għal nhar.
Carmen qalet li “wara stennija twila wasal il-jum tant mixtieq. Wara 266 jum ta’ żjajjar fl-isptar, fl-aħħar Enzo jinsabu lura d-dar. Forsi l-ġisem tiegħu mhux fl-aqwa kundizzjoni, iżda l-fidi li għandu f’Alla għadha b’saħħitha bħalma dejjem kienet. Niżżiħajr lil Alla li jinsabu lura magħna kontra kull tbassir”, qalet Carmen.
