Imħabbra L-Erba’ Żeffiena Li Se Jkunu Qed Jakkumpanjaw lil Destiny Fil-Eurovision

Wara li fil-15 ta’ Marzu ħarġet il-kanzunetta “Je Me Casse” li permezz tagħha Destiny se tkun qed tirrapreżenta lil Malta fil-Eurovision ta’ din is-sena, issa tħabbru wkoll min se jkunu ż-żeffiena.

Ftit tal-ġimgħat ilu ġie żvelat li Sacha Jean-Baptiste, li hija korjografu, hija l-persuna li se tkun wara l-prestazzjoni ta’ Malta. Illum tħabbar ukoll li l-erba’ żeffiena li se jingħaqdu ma’ Destiny għall-wirja tagħha fil-Eurovision 2021 huma Jennifer Pacaanas, Kim Pastor, Milena Jacuniak, Pauline Eddeborn.