Ir-Renju Unit Daqshekk Fiż-Żona Ħamra Għall-Ivvjaġġar Mill-Maltin
L-awtoritajiet għas-Saħħa Pubblika jgħarrfu li, wara reviżjoni tal-istudji epidemjoloġiċi dwar ir-Renju Unit, ġie deċiż li ma jibqax jitqies fiż-żona ħamra għall-ivvjaġġar, u se jiddaħħal fiż-żona amber.
Kull vjaġġatur li jiġi minn xi pajjiż elenkat fil-lista oranġo għandu jipprovdi PCR Covid-19 test negattiv magħmul mhux aktar minn tnejn u sebgħin (72) siegħa qabel il-wasla tiegħu f’Malta.
Vjaġġaturi ġejjin f’Malta minn dawn il-pajjiżi li jonqsu milli jipproduċu dan it-test ikunu sottomessi għall-ittestjar f’Malta u jistgħu jkunu soġġetti għall-kwarantina.
Dan l-avviż se jidħol fis-seħħ mil-lum 27 ta’ April, 2021.
Ritratt: visitlondon.com