Xtara Google Tal-Arġentina Għall-Prezz Miżeru Ta’ $2.90
Id-domain ta’ Google fl-Arġentina nxtara minn web-designer waqt li s-sit ma kinitx qed taħdem għal sagħtejn.
Nicolas Kurona ta’ 30 sena rnexxielu jixtri Google.com.ar permezz ta’ proċess normali għall-aħħar.
Kollox beda meta huwa sar jaf li Google mhux taħdem. Minn hemm, Nicolas mar fuq is-sit tal-organizzazzjoni li topera d-domains tal-pajjiż bil-code .ar, fittex għal Google, u din tfaċċat għal bejgħ.
Minkejja li ħaseb li mhux se taħdem, huwa għamel il-proċess normali biex jixtriha, kif fil-fatt ġara għal prezz miżeru ta’ $2.90.
Perpless b’dak li ġara u konxju li dak li kien għadu kif għamel ma kienx normali, Nicolas kiteb fuq Twitter, sabiex juri li ma kellu l-ebda intenzjonijiet ħżiena.
Quiero aclarar que entre a https://t.co/XtzUy8WL36 vi el nombre de https://t.co/cK20BdyuxB disponible y lo compre legalmente como corresponde!
— Nicolas David Kuroña (@Argentop) April 22, 2021
Ħafna kienu dawk li pruvaw jaħsbu x’seta’ ġara. Kien hemm min qal li Google insew iġeddu l-isem tad-domain, b’Google jgħidu li l-liċenzja ma kinitx skadiet.
Nicolas qal li huwa kuntent li ma spiċċax fl-inkwiet, spjega li d-domain itteħidlu mingħandu u baqa ma tħallasx lura.
Barra minn hekk, Google m’ għamlux kuntatt miegħu, filwaqt li l-istess kumpanija għadha ma qalitx kif irnexxilha tiegħu l-isem lura.
