Bil-Filmat: “Għajjejt Inħobb” – Jagħmel Minn Kollox Biex Isalva Ż-Żwieġ

Għajjejt Inħobb mill-festival Mużika Mużika; kanzunetta li forsi bosta jirrelataw magħha. Il-vidjow mużikali miġbud u editjat minn Emotive Media jitratta t-tema tal-vjolenza domestika u psikoloġika minn lenti ta’ raġel.

Minkejja li għamel minn kollox biex isalva ż-żwieġ, iħossu li ma fadallux iktar saħħa u motivazzjoni biex jibqa’ jipprova. Jixxennaq għal dak iż-żmien tal-bidu meta kollox kien jidher sabiħ u kien iħossu maħbub iżda jħoss li issa tbegħdu u ma jafx x’fadallu jagħmel biex isalva r-relazzjoni.

Ikanta Christian Arding, kompozizzjoni ta’ Gilbert il-Bibi Camilleri u awtriċi Rita Pace.

Filmat – Emotive Media
Ritratti – Keith Darmanin