Bil-Filmat: Marlene Farrugia Tispjega X’Riedet Tfisser Bl-Abbozz Li Ressqet Ftit Ilu
Fil-programm L-Erbgħa Fost il-Ġimgħa, Marlene Farrugia spjegat x’riedet tfisser bl-abbozz li ressqet fir-rigward ta’ dikriminalizzazzjoni tal-abort.
Saħqet, li l-abbozz jitlob żewġ affarijiet:
-jitlob biex mara ma tkunx taħt theddida li tintbagħat il-ħabs jekk hi tittermina t-tqala, u
-jitlob biex il-professjonist illi jissejjaħ biex jagħti l-għajnuna ma jiġix kriminalizzat.
Meta fil-bidu, il-preżentatur Mark Laurence staqsieha li jekk b’dak li ressqet Marlene issa allura kollox ser jibda jgħaddi, Farrugia fil-pront weġbitu li dik hija ‘spin.’
