Bouldini Viċin Ħamrun Spartans
L-attakant ta’ 25 sena Mohammed Bouldini mistenni li jasal f’Malta kmieni l-ġimgħa dieħla sabiex ikun jista jiffirma maċ-ċampjins tal-Kampjonat Premier Malti Hamrun Spartans.
Matul l-istaġun li għadda, il-Marokkin ta’ 25 sena lagħab fit-tieni diviżjoni tal-futbol Portugiż ma’ Associacao Academica de Coimbra fejn f’21 partita skorja xejn anqas minn tlettax il-gowl u saħansitra spiċċa t-tieni l-aqwa skorer tal-kampjonat. Dan il-klabb kien it-tieni wieħed tiegħu fil-Portugall wara li fl-staġun 2019 / 2020 huwa lagħab ma’ UD Oliverirense Futebol SAD.
Fil-bidu tal-karriera tiegħu Bouldini lagħab ma’ Raja Club Athletic de Casablanca kif ukoll Ittihad Riadi De Tanger fil-Marokk.
Ritratt: Africa Top Sport
