Dalwaqt: Il-Ministru Fearne u Prof. Gauci Jindirizza Konferenza Tal-Aħbarijiet
Il-Ministru għas-Saħħa Chris Fearne u s-Supretendent għas-Saħħa Pubblika Charmaine Gauci mistennija jindirizzaw konferenza tal-aħbarijiet fis-2pm.
Il-konferenza għandha tittratta l-Covid-19, issa li llum ġew illaxkati aktar miżuri, fosthom li fetħu l-gyms, il-pools u li r-ristoranti jistgħu jibqgħu miftuħin sa nofsillejl.
Mhux eskluż li fil-konferenza tal-aħbarijiet jitħabbru r-rilaxx ta’ aktar miżuri.
Mill-bidu tar-rilaxx tal-miżuri, s-sitwazzjoni baqgħet waħda stabbli u qed jinstabu ftit każijiet kuljum. Illum instabu żewġ każijiet ġodda biss ta’ coronavirus.
