Destiny Tirbaħ Suċċess Ieħor! Issa L-Wiwibloggs Scoreboard
Ġimgħa qabel il-Finali tal-Eurovision Song Contest il-kantanta Maltija Destiny rebħet il-Wiwibloggs Scoreboard b’187 punt. Din hija kompetizzjoni minn sit li janalizza mill-qrib il-Eurovision Song Contest. Dan is-sit huwa popolari ħafna fost is-segwaċi tal-Eurovision li jilħaq għexieren ta’ eluf ta’ udjenza matul il-ġranet tal-Eurovision.
Dan kien it-tielet unur fl-aħħar jiem li rebħet Destiny wara li fis-7 ta’ Mejju, lejlet il-bidu tal-vjaġġ tagħha lejn Rotterdam, il-rebħet il-premju għal din is-sena tal-OGAE, l-organizzazzjoni li tiġbor fi ħdan 43 fan club tal-Eurovision Song Contest minn madwar id-dinja. Din kienet l-ewwel darba li Malta rnexxielha tirbaħ din il-kompetizzjoni minn kemm ilha tiġi organizzata din il-kompetizzjoni u jumejn ilu, il-kantanta Maltija Destiny rebħet l-OUTmusic Award imtella’ mill-OUTtv li sar fiċ-ċentru tal-midja f’Ahoy Rotterdam.
Il-pajjiżi kollha li qed jieħdu sehem fil-Eurovision Song Contest 2021 għamlu l-ewwel prova tagħhom b’uħud minnhom għamlu tnejn. Qabel mal-kantanti jitilgħu fuq il-palk f’Rotterdam Ahoy, il-bloggers tas-sit Wiwibloggs għażlu l-kanzunetta favorita tagħhom.
