Estiż Is-Servizz Ta’ Espert Tad-Dieta
Se jkun introdott servizz ta’ espert tad-dieta bl-iskop li tkompli l-promozzjoni ta’ kwalità ta’ ħajja aħjar fost l-anzjani.
Ħabbar dan il-Ministru Michael Farrugia, filwaqt li rrimarka kif is-servizz se jkun estiż u jibda jkopri d-djar tal-anzjani tal-gvern, id-djar li qegħdin taħt l-iskema PPP u taħt l-iskema tax-xiri ta’ sodod.
Dan filwaqt li se jibbenfikaw minn dan is-servizz ukoll l-anzjani li jgħixu fil-komunità u ma jistgħux joħorġu mid-dar jew huma vulnerabbli.
Farrugia spjega li l-introduzzjoni ta’ Clinical Nutrition Practice Nurse ġabet magħha l-bżonn ta’ servizz ta’ espert tad-dieta. Id-domanda għal dan is-servizz beda jiżdied kemm fil-komunità kif ukoll fid-djar tal-anzjani.
L-espert se jkun qed tagħti rakkomandazzjonijiet u pariri dwar in-nutrizzjoni, l-ikel, modifiki li jkun hemm bżonn li jsiru fid-dieta, trattamenti, u gwida lill-anzjani u l-qraba tagħhom kif ukoll lill-istaff.
Ritratt: Reuben Piscopo / DOI
