Il-Mutur U X-Xufiera Baqgħu Jitkaxkru Sakemm Ħabtu Ma’ Siġra

Ilbieraħ, għal xi s-19.00, il-Pulizija ġiet infurmata li hemm bżonn l-assistenza tagħha fi Triq ix-Xatt, Tal-Pietà.

Mill-investigazzjonijiet preliminari rriżulta li Ungeriż ta’ 31 sena u residenti San Ġwann, kien qiegħed isuq mutur tat-tip Benelli, tilef il-kontroll u waqa’. Il-mutur u x-xufier baqgħu jitkaxkru sakemm ħabtu ma’ siġra.

Tim mediku ta l-ewwel għajnuna, ambulanza ħadet lill-vittma l-Isptar Mater Dei għall-kura u ġie ċċertifikat li weġġa’ gravi.

L-investigazzjonijiet tal-Pulizija għadhom għaddejjin.