Inawgurata Pittura Ġdida Għall-Artal Ta’ San Duminku Fil-Birgu
Ġiet inawgurata u mbierka pittura ġdida għall-artal ta’ San Duminku fil-Knisja Dumnikana tal-Lunzjata fil-Birgu nhar it-Tlieta 18 ta’ Mejju 2021.
Din tbierket mill-Arċisqof Mons. Charles J. Scicluna.
Il-pittura l-ġdida, xogħol l-artist Għawdxi Manuel Farrugia, turi lil San Duminku fil-glorja, u ġiet inawgurata fl-okkażjoni tal-Ewwel Tlieta, bħala tħejjija devozzjonali għall-festa ta’ San Duminku fil-Birgu li ssir fl-aħħar Ħadd t’Awwissu.
Din is-sena l-Ordni Dumnikan qed ifakkar t-800 anniversarju mill-mewt tal-fundatur tiegħu San Duminku.
