John Travolta Jsellem Il-Memorja ta’ Martu Kelly
Hekk kif il-bieraħ iċċelebrajna Jum l-Omm, kienu bosta dawk li esprimew l-imħabba lejn l-ommijiet li m’għandhomx magħna fiżikament. Bosta kienu dawk li f’kummenti fuq il-midja soċjali sellmu l-memorja għażiża t’ommhom u tennew li l-imħabba li tagħthom ommhom tibqa’ magħhom għal dejjem.
John Travolta ukoll għamel dan fuq il-paġna tiegħu ta’ Facebook, din id-darba biex isellem il-memorja ta’ martu Kelly Preston li ħalliet din id-dinja f’Lulju tal-2020 wara batalja kontra l-kanċer tas-sidher, fl-età ta’ 57 sena.
Dan kien l-ewwel Jum l-Omm mingħajr il-maħbuba Kelly. John Travolta fil-messaġġ tiegħu rringrazzja lil martu talli ġabet fid-dinja t-3 uliedhom u esprima mħabbithom. Bla dubju, kulħadd qiegħed iħoss in-nuqqas tal-maħbuba Kelly.
Fit-tieni ritratt li għażel Travolta tidher Kelly iżżomm lil binhom Jett. Jett ukoll ħalla’ din id-dinja fl-2009, fl-età żgħira ta’ 16-il sena.
L-imħabba ta’ dawk li tlifna tibqa’ magħna għal dejjem!
Ritratt Prinċipali: The New York Times
