L-Istatwa Ta’ San Ġużepp Li Tmur Lura Għall-1757 Tieħu R-Ruħ
Il-Kunsill Lokali ta’ Ħaż-Żabbar grazzi għal fondi tal-Unjoni Ewropea, irrestawrha l-istatwa ta’ San Ġużepp li tinsab kantuniera mad-dar tal-Perit Żabbari Ġużeppi Pace.
Pace kien il-perit li fassal is-Santwarju devot u maħbub taż-Żabbarin, il-koppla tal-Knisja u binjiet oħra importanti f’dan il-lokal.
L-istatwa ta’ San Ġużepp inħadmet mill-iskultur Ċikku Fabri tal-Birgu lura fis-sena 1757. Madanakollu, intqal li mhix meqjusa bħala waħda mill-isbaħ xogħlijiet li għamel. Dan anke meta mqabbel ma’ San Bastjan f’Ħal Qormi u Santu Wistin fil-Belt.
