Tkompli L-Kampanja Akkwisti Ta’ Zabbar SP…..illum Jiffirmaw lil Mifsud Triganza

Tkompli għaddeja b’saħħitha l-kampanja akkwisti f’ħdan it-tim ta’ Żabbar St. Patrick FC hekk kif matul il-ġurnata tal-Ħadd huma ħabbru l-akkwist tal-attakant veteran Jean Pierre Mifsud Triganza.

Mifsud Triganza żgur li m’għandu bżonn ta’ ebda introduzzjoni wara karriera brillanti fejn lagħab ma’ bosta klabbs fl-għola diviżjoni tal-futbol Malti fejn rebaħ numru ta’ unuri.

B’hekk il-President il-Ġdid Kevin Deguara ser ikun qed jerġa jaħdem mal-plejer li miegħu kien ħadem fil-passat fil-klabb ta’ Msida St. Joseph FC.

Triganza mhuwiex l-uniku akkwist s’issa taż-żabbarin wara li diġa akkwistaw l-firma ta’ Michael Camilleri, Terence Agius u Miguel Ciantar.