Waqa’ Għoli Ta’ Madwar Żewġ Sulari F’Birkirkara

Għall-ħabta tas-siegħa u nofs ta’ filgħodu, il-Pulizija ġew infurmati li kien hemm persuna li waqgħet fi Triq in-Naxxar, Birkirkara.

Il-Pulizija tad-Distrett marru immedjatament fuq il-post u l-ewwel investigazzjonijiet juru li raġel Sirjan, waqa’ għoli ta’ madwar żewġ sulari ġo residenza privata.

Ir-raġel ngħata l-ewwel għajnuna minn tim mediku u ttieħed l-Isptar Mater Dei b’ambulanza u ġie ċċertifikat li sofra ġrieħi gravi.

L-investigazzjonijiet għadhom għaddejjin mill-Pulizija tad-Distrett ta’ Birkirkara.