Sarah Xuereb U Kenneth Arpa Jirbħu l-Memorial Ddedikat lil Silvio Anastasi, Sammy Borg u Roy Swift

32 plejer, 8 nisa u 24 raġel, ħadu sehem fl-ewwel avveniment organizzat mill-Malta Tenpin Bowling Association hekk kif reġgħu bdew il-kompetizzjoni ftit tal-ġimgħat ilu wara l-waqfa ta’ kważi 3 xhur minħabba r-restrizzjonijiet tal Covid-19.

Sarah Xuereb ddominat is-sezzjoni tan-nisa peress li kienet l-unika bowler li lagħbet’ medja ta l’fuq minn 200 (207) fuq is-6 logħbiet biex spiccat b’vantaġġ komdu ta 69 pin fuq Cynthia Frendo Duca, b’Sue Abela 21 pin oħra aktar ‘l isfel. Abela kellha wkoll l-ogħla logħba ta 246 fit-taqsima tan-nisa.

Is-sezzjoni tal-irġiel spiċċat tellieqa bejn tnejn, bir-rebbieħ eventwalment jkun Kenneth Arpa u Rankin Camilleri.

Camilleri kien quddiem Arpa wara l-ewwel erba logħbiet stupendi b’media ta’ 252 medja. Arpa ma qatax qalbu, u b’żewġ logħbiet b’saħħithom fl-aħħar, irnexxielu jaqbeż lil Camilleri hekk kif dan tal-aħħar ma setax jirrepeti l-forma tiegħu fl-aħħar żewġ logħbiet. Arpa spiċċa b’medja notevoli ta ’235.5, 36 pin biss quddiem Camilleri.

Matthew Magro spiċċa fit-tielet post b’ftit inqas minn 220 bħala medja. Dwayne Zahra, ta 16-il sena, li spiċċa fil-5 post, kellu l-unur tal-ogħla logħba 289, 1 pin biss aħjar mill-aħjar sforz ta’ Camilleri.

Ritratt: MTBA