Tfal Jiġġieldu Fil-Bajja Ta’ Birżebbuġa – Fosthom Ta’ 13-il Sena
Storja li ttellgħet fuq ONE News bil-filmat, juri tifel jiddaħħal fil-karozza tal-pulizija. Intqal li grupp ta’ erbat itfal qed jiġu mitkellmu wara ġlieda fil-Bajja s-Sabiħa ta’ Birżebbuġa.
Il-każ ġara llum is-Sibt fit-15.00. Fuq il-post intalbet il-pulizija saħansitra anke tal-RIU (Rapid Intervention Unit)
Fosthom, kien hemm tfajjel ta’ madwar 13-il sena li din il-ġimgħa, huwa allegat li ċċirkola filmat tiegħu jsuq karozza tal-għamla Mercedes.
Intqal ukoll li persuni li kienu fil-bajja, innutaw li numru ta’ tfal ħarbu jiġru hekk kif waslu l-pulizija fuq il-post, tant li l-pulizija ġrew warajhom sakemm qabduhom.
Ritratt: ONE News
