Żewġ Persuni Jindarbu Wara Li Waqa’ Ġebel Fuqhom F’Sit Ta’ Kostruzzjoni Fil-Floriana

Żewġ ħaddiema weġġgħu kmieni dalgħodu waqt li kienu qegħdin jagħmlu xi xogħol ta’ kostruzzjoni fit-telgħa ta’ Sa Maison fil-Floriana. L-inċident seħħ għall-ħabta tal-9.45 a.m. meta waqa’ xi ġebel għal fuq il-ħaddiema waqt li kienu qed jaħdmu.

Fuq il-post issejħu l-ħaddiema tal-protezzjoni ċivili u żewġ timijiet mediċi mill-isptar Mater Dei biex jagħtu kura ta’ emerġenza liż-żewġt irġiel.

Żewġ ambulanzi ħadu liż-żewġt irġiel l-isptar. Il-kundizzjoni tagħhom għadha mhix magħrufa.

Il-Pulizija tinsab għaddejja bl-investigazzjonijiet tagħha dwar il-każ.