Baħħara Olimpiċi Bbażati F’Malta Ospitati Minn Yachting Malta
Yachting Malta ospitat l-erba baħrin, li jitħarrġu fl-RMYC Sailing School li kkwalifikaw biex jikkompetu fil-Logħob XXXII li jmiss tal-Olimpjadi f’Tokyo.
L-emozzjoni marbuta mall-prospett li jsiru parti mill-familja Olimpika għall-ewwel darba, Aly Badawi (l-Eġittu), Jalise Jordan (Antigua), Vishnu Saravannan u Nethra Kumanan (l-Indja) kienet evidenti. It-taħriġ tagħhom f’Malta ra lir-Royal Malta Yacht Club ssir it-tieni dar tagħhom. Fil-bidu it-taħriġ tagħhom kien lejn kwalifikazzjoni Olimpika, iżda l-aħħar ftit xhur kienu ffokati fuq irfinar tal-ħiliet tagħhom biex jagħtu prestazzjoni tajba fl-Olimpjadi.
Waqt li kien qed jospita lil-dawn l-atleti, ċ-Chairman ta’ Yachting Malta John Huber, fil-preżenza tal-Eċċellenza Tagħha Sangeeta Bahadur, High Commissioner tal-Indja, kif ukoll il-Commodore tar-Royal Malta Yacht Club David Cremona u l-Membru tal-Kumitat responsabbli tal-iskola tal-Ibburdjar fi ħdan ir-Royal Malta Yacht Club.
Il-Commodore tar-Royal Malta Yacht Club David Cremona wassal, f’isem il-Club, il-kburija tiegħu tal-assoċjazzjoni ma ’din l-inizjattiva li tappoġġja lil dawn l-atleti.
Iċ-Chairman ta’ Yachting Malta John Huber ikkonkluda billi fakkar lill-atleti li Malta kienet il-bidu tal-vjaġġ Olimpiku tagħhom u esprima xewqtu li jżommu lil Malta f’qalbhom kull fejn imorru. Huwa enfasizza li dan kien parti mill-isforz ta’ Yachting Malta biex trawwem lil Malta bħala ċentru internazzjonali għall-ibburdjar – kemm avvinimenti tal-ibburdjar sew kif taħriġ. Malta tipprovdi ambjent u postijiet perfetti għat-taħriġ għal dawk li jittamaw li jipparteċipaw fl-Olimpjadi, partikolarment dawk ta’ Pariġi 2024.
Il-baħħara jkunu akkumpanjati mill-Kowċ tal-RMYC Sailing School Alex Denisiuc li ilu jħarriġhom matul il-vjaġġ Olimpiku tagħhom.
Ritratt: Yachting Malta / Alex Turnbull
