Id-Dwana B’Qabda ta’ 113-il Kilo Droga

Uffiċjali tad-Dwana mit-taqsima tal-airfreight qabdu 113-il kilogramm ta’ droga khat intenzjonata li tinbiegħ minn ħanut fil-Ħamrun.

Din il-qabda saret wara spezzjoni f’merkanzija li kienet iddikjarata bħala ‘Henna Leaves’. Din kienet tikkonsisti f’59 pakkett mimlija b’sustanza ħadra li wara testijiet forensiċi mill-iskwadra ta’ kontra d-droga tal-Pulizija ġiet ikkonfermata li hija sustanza khat. Din is-sustanza hija stimulant illegali u kunsidrat bħala droga perikoluża.

Ir-raġel li kellu jirċievi din il-merkanzija, barrani li jgħix Malta li għandu ħanut fil-Ħamrun, tpoġġa taħt arrest u mistenni jitressaq il-Qorti dalgħodu.