“Il-Partit Nazzjonalista Mhux Manuel Delia…” – Adrian Delia
“Il-Partit Nazzjonalista mhux Manuel Delia. U Manuel Delia mhux il-Partit Nazzjonalista.” Hekk kiteb l-eks Kap tal-opożizzjoni Adrian Delia fuq il-facebook tiegħu b’referenza għal dak li qal kelliem għall-PN lil-Lovin Malta fejn qal, li l-Partit Nazzjonalista għandu opinjoni differenti meta niġu għall-analiżi ta’ Adrian Delia minn Manuel Delia fil-kuntest tal-inkjesta pubblika.
Adrian Delia tenna li minn ċkunitu emmen, ħadem u għal ftit snin mexxa dan il-partit glorjuż. “Illum għadni parti minnu u nibqa’ naħdem fih, għax l-unika alternattiva biex pajjiżna jirritorna għan-normalità. Il-Partit Nazzjonalista mhux jien, mhux il-Kap, mhux l-uffiċċjali, imma intom, in-nies.”
Qal ukoll li huma dawk li jipprovaw jaħkmuh, jużawh jew jiddettaw l-aġenda tiegħu li jagħmlu ħsara lill-partit, lill-poplu, lil Maltin u l-Għawdxin u lil pajjiżna.
