Traithlon – Julian Harding Jikser Ir-Rekord Tal-Korsa Tas-Sprint Triathlon
L-ex għawwiem tat-tim nazzjonali Julian Harding niżżel ismu fl-istorja tat-triathlon f’Malta meta nhar il-Ħadd, fid-debbut tiegħu f’dan l-isport mhux biss rebaħ it-tellieqa iżda kiser ir-rekord tal-korsa. Harding kien l-ewwel atleta barra mill-ilma, f’ħin ta’ 9 minuti u 27 sekonda qabel ipproċeda fuq il-korsa tar-rota ta’ 20km. Hu żamm distakk komdu bejnu u bejn kontendenti possibbli tal-podju – Kai Azzopardi u Christopher Fenech. Harding żamm il-pass biex iżomm id-distakk qabel ma kiser ir-rekord tal-kors eżistenti (59 mins 17 sek), stabbilit preċedentement minn Shaun Galea f’Settembru 2019 . Harding rebaħ it-tellieqa fi 58 minuta 38 sekonda.
Fit-tieni post daħal Kai Azzopardi. Ta’ erbatax-il sena ggradwa mill-Malta Youth Triathlon Academy biex jikkompeti fl-ewwel tellieqa sprint tat-triathlon tiegħu, wara li qabel kien jikkompeti fil-kategoriji taż-żgħażagħ. Kai kien it-tieni barra mill-ilma u żamm il-post tiegħu sal-aħħar tat-tellieqa. Fit-tielet post kien l-atleta ta’ TriGozo Christopher Fenech.
Fil-Kategorija tan-Nisa Lara Buttigieg ħadet il-vantaġġ fit-taqsima tal-għawm u żammet fuq quddiem fil-grupp tan-nisa. Hi temmet it-tellieqa f’siegħa 8 minuti 40 sekonda. Wara Buttigieg kien hemm Pia Zammit li għamlet ħin ta’siegħa 14-il minuta u 56 sekonda – titjib sostanzjali meta mqabbel fuq l-istaġun tal-2020. Fit-tielet post kien hemm Denise Cortis, li għalkemm kienet ir-raba ’mara li ħarġet mill-ilma, hi tejbet il-posizzjoni tagħha b’prestazzjoni determinata.
It-tellieqa li jmiss issir nhar il-Ħadd 18 ta’ Lulju fis-07.30 fis-Salina.
Ritratt: Emvigee PR & Marketing
