William U Harry Jergħu Flimkien Waqt Il-Kxif Tal-Monument T’Ommhom

Id-Duka ta’ Cambridge u d-Duka ta’ Sussex reġgħu ngħaqdu wara żmien ta’ batibekki li nħolqu biex inkixef il-monument ta’ Diana, Prinċipessa ta’ Wales.

Il-kxif sar fil-jum li kellha tiċċelebra għeluq is-60 sena minn twelidha.

William u Harry kienu flimkien għal din l-okkażjoni, flimkien mal-aħwa ta’ Diana u l-ħbieb tal-qalb li kellha f’dak li kien deskritt bħala ‘mument intimu’.

Madanakollu, spiss ngħidu li l-Maltin jikkritikaw imma jidher li mhux aħna biss. Il-monument qala’ kritika kbira’; l-aktar tnejn kienu li Diana ma tinxtiebahx u li t-tfal li hemm magħha fil-monument, aħjar kienu replika ta’ Harry u William żgħar.