34 Għasfur Kkonfiskati Mis-Suq Miftuħ Tal-Furjana

Dalgħodu, il-Pulizija tal-Environmental Protection Unit (EPU) flimkien mal-Wild Bird Regulation Unit, spezzjonaw numru ta’ bejjiegħa tal-għasafar fis-suq miftuħ tal-Furjana.

Waqt dawn l-ispezzjonijiet irriżulta li xi bejjiegħa kienu qed ibigħu għasafar illegalment, u dan għaliex skont il-liġi dawn l-ispeċi partikolari ma jistgħux jinbiegħu. Waqt din l-ispezzjoni ġew ikkonfiskati 34 għasfur ta’ speċi differenti, li ġew mgħoddija lil veterinarju appuntat mill-Gvern.

Irriżulta wkoll li żewġ bejjiegħa tal-għasafar kienu qed joperaw mingħajr liċenzja u l-Pulizija ser toħroġ ukoll akkużi fil-konfront tagħhom.

L-investigazzjonijiet tal-Pulizija għadhom għaddejjin.

Ritratti: Uffiċċju tal-Komunikazzjoni Pulizija