Aqraw Sew Intom Li Se Tattendu L-Ballu Tal-Qamar T’Awwissu Llejla
Fuq il-paġna tal-Malta Community Chest Fund tħabbru protokolli għall-ballu tal-Qamar t’Awwissu (August Moon Ball) li se jsir illejla.
Dan sabiex kulħadd jimxi mar-regolamenti tal-Awtorità tas-Saħħa:
• Ċertifikat tal-vaċċin: Kull min ser jattendi għandu jippreżenta ċertifikat tal-vaċċin mal-bieb, flimkien ma’ dokument xieraq ta’ identifikazzjoni, bħal karta tal-ID. Napprezzaw jekk tifhmu li l-ebda persuna mhi ser titħalla tidħol jekk ma jkollhiex iċ-ċertifikat it-tajjeb.
• Bubbles: Dawk li ser jattendu għall-Ballu ta’ din is-sena ġew maqsuma f’żewġ bubbles li bl-ebda mod m’għandhom jinteraġixxu ma’ xulxin.
• Ħin: Il-kanċelli ser jinfetħu fis-7:30 eżatt. Nitolbu lil dawk li ser jattendu biex jevitaw li jaslu qabel dan il-ħin biex innaqqsu l-iffullar, u jekk jogħġobkom malli taslu sibu postkom mal-mejda tagħkom.
• Żfin: Mhux permess.
The Malta Community Chest Fund Foundation rringrazzjat lill-pubbliku tas-sapport ġenwin u qalet li jinsabu ħerqana li jilqgħu lil dawk li se jattendu għall-Ballu tal-Qamar ta’ Awwissu 2021.
