Bil-Filmat: Julie Zahra Tappella Lill-Gvern Sabiex Jippubblika L-Istrateġija Għall-Ftuħ Tas-Sena Skolastika Li Ġejja
Il-Kandidata f’isem il-Partit Nazzjonalista fuq ir-raba’ distrett Julie Zahra tellgħet filmat fuq il-midja soċjali tagħha bi ħsieb fejn tistaqsi dwar kif se jimxu l-ġenituri jew min jieħu ħsieb it-tfal, fis-sena skolastika li jmiss.
Tenniet li wasalna kważi fl-aħħar t’Awwissu u għadu ħadd ma jaf xejn dwar dan. Għamlet referenza wkoll għall-istudenti; kemm jekk qegħdin fil-primarja, sekondarja, sixth form u università, jew f’entitajiet edukattivi oħra li wkoll ma jafux x’se jiġri.
Julie Zahra qalet li kienu bosta persuni li kellmuha u qalulha li jinsabu fil-limbu dwar din il-materja. “Ħafna inċertezzi li qed iqajmu tħassib u stress żejjed, għax dan huwa stress żejjed fuq l-istudenti, il-ġenituri u l-edukaturi”, sostniet Zahra.
Fakkret ukoll li hemm ġenituri li jaħdmu u hemm meħtieġ ħsieb ta’ pjan għaliex dan kollu jirrigwardja l-futur ta’ wliedna.
Ritratt: Rene Rossignaud
