“Dawn Ir-Ritratti Ser Jibqgħu Biss Memorja Tas-sena L-Oħra”
“Dawn ir-ritratti ser jibqgħu biss memorja tas-sena l-oħra.” Hekk kitbet Nancy Formosa fuq il-mezzi soċjali tagħha wara li fil-Qrendi twaqqaf permess sabiex isir quddiesa fil-pjazza.
Dan wara li s-sena l-oħra saret quddiesa li attendew 300 persuna nhar Santa Marija, bl-istatwa tal-Assunta tkun fil-bieb tal-knisja. Jidher li l-permess din is-sena kien ħareġ però għal xi raġuni mhux magħrufa dan il-permess inżamm fl-aħħar ftit ġranet.
Nancy Formosa fil-messaġġ tagħha kompliet tgħid li “huwa ta dispjaċir għaliex wara kollox jingħataw permessi li jiftħu ċertu stabbilimenti ta’ divertiment u jsir seated party, imma mbagħad ma jingħatax permess li ssir quddies, fejn in-nies kollha ser ikunu lebsin maskra, u jkunu bilqegħda fil-bubble tagħhom u bid-distanza bejniethom”
Hija qalet li l-quddies xorta ħa tkun qed issir fil knisja, “Mhux aħjar meta in-nies ma jkunux miġbura ġewwa?” temmet tgħid Nancy.
Ritratt: Facebook
